ابيات جتني على الجوال وحبيت انقلها للمنتدى للشاعر الكبير رشيد الزلامي

[صافي]

*اول حياة الفتى مشوار وعساسه

مسيرة(ن) في عجاج الوقت يقطعها

*وثاني حياة الفتى تدريب ودراسه

تكثر هموم الحياة وينشغل معها

*وثالث حياة الفتى يرجع على ساسه

النقطة اللي بدا منها يراجعها

*ياصل لسن الهرم ويضيع الطاسه

يزحف مع الارض ويخطط شوارعها

*اليا تلاقت كتوفه وانحنى راسه

ضاعت جميع العلوم اللي مجمعها




ارجو ان تحوز على رضاكم

[ابن عويدان]

صافي


يعطيك العافيه يالغلا


ابيات في قمة الروعه

و فعلاً الابيات هذي وصلتني على الجوال

و الزلامي شاعر كبير و متمكن و له ابداعاته الشعريه

صح لسان الزلامي و سلمت يمناك يا صافي


دمت بود

[OSAIMI]

أبيات جميلة للشاعر رشيد الزلامي
شكرا للأخ صافي على كتابتها
اود ان ادرج القصيدة كاملة للفائدة

قالوا تعلمت قلة عناد وفراسة………………..أجاهد النفس والدنيا وأصارعها



ودرست في مدرسة من شيبت رأسه........ دنيا العنا اللي قصيفات مطامعها



تلميذها دايم يكتب بقرطاسه...................... تعطيه جملة دروس مايضيعها



والله عطانا نظر وشعور حساسة............... ناخذ علوم المعرفة من مراجعها



ونساير الوقت ونقيسه بمقياسه................. ونواجه النفس بالواقع ونقنعها



وترى حياة الفتى مهما قوي باسه................. محفوفة بالخطر والموت تابعها



من مبتدى العمر حتى يلفظ أنفاسه ..................يمر في مرحلة تكثر زوابعها



أول حياة الفتى مشوار وعساسه......... مسيرة(ن) في عجاج الوقت يقطعها



وثاني حياة الفتى تدريب ودراسه................ تكثر هموم الحياة وينشغل معها



وثالث حياة الفتى يرجع على ساسه............. النقطة اللي بدا منها يراجعها



ياصل لسن الهرم ويضيع الطاسه.......... يزحف مع الارض ويخطط شوارعها



اليا تلاقت كتوفه وانحنى راسه ..............ضاعت جميع العلوم اللي مجمعها

[! السمو الرفيع !]

صح لسان الشاعر رشيد الزلامي ..


مشكور أخوي صافي على طرحك ...



والشكر موصول للاخ OSAIMI على تكملة الابيات ...



يعطيكم العافية ..

ودمتم في حفظ الله .

[صافي]

ابن عويدان اشكرك على المرور الطيب يا الذيب ونت راع الاوله

[صافي]

اشكرك اخي OSAIMI على اكمال القصيده
وبيض الله وجهك على تحديد موقع المزاين لك احترامي
والشكر موصول للأخ عبدالله العصيمي مشرفنا الفاضل في الطب والصحه ودمت بود