موقع ومنتديات قبيلة العصمة الشاملة YOU COULD PUT BANNER/TEXT/HTML HERE, OR JUST REMOVE ME, I AM IN header.htm TEMPLATE

جديد المقالات
جديد الجوال
جديد الفيديو




المتواجدون الآن


تغذيات RSS

08-10-2008 06:23 PM

عداد       ماهلل       ولبا        الملبين=وعداد    ماذعذع     نسيم     البرادي 
سلام ياروس الرجال العزيزين=تسليمت تفوح عنبر وكادي
اقولها باسمي وباسم النباعين=في عيدنا اللي صار بين العيادي
وحنا على جمعا الرفاقه شفيين=اللي لهم في الطيب دور ريادي
ومن يوم جا للشعر دور وميادين=عبرت عن شي يكنه فوادي
جالت بفكري دلة العرف جولين=ولاني مقدمها بليا قنادي
قدام لاجيب الكلام ازنه زين=انقاه واراقابه طوال المبادي
للرجل ماقف والمواقف نياشين=وياطيب راس اللي يروم السنادي
اليادعا الداعي يبين احمر العين=مايندرق لوكان طبعه حيادي
ومن لانهض عند اللزوم الجناحين=يفهق ويتركها لطير الهدادي
وحنا هل الميقاف ماضي وبعدين=وحنا هل الطالات في كل مادي
لاحان واجبنا نجيله نشيطين=وكل يقول اليوم غاية مرادي
لجله نجي من نايد البعد عانين=ماحدنا عن لازم الربع حادي
خص ليا كانوا جماعه وغالين=وشيوخ واهل سيف واهل الشدادي
وعلى الكواكب والنجوم متعلين=فازوا بها من فضل رب العبادي
يوم المغازي واختلال الموازين=ومصافق القومان صبح وهجادي
يسقون لضيا من عروق الشرايين=ماتشرب الا من ملم الثنادي
من كف صنديدن يروع المعادين=لاوجهت يم الجياد الجيادي
اليا اعتزي يرضخ له الصعب ويلين=ويوجه المضراب من حيث ارادي
ومبيض وجيه الربوع الموالين=منهم وفعله فوق الافعال زادي
حماية الدرمه وللعهد راعين=بالهيبه العظمى وضرب الحدادي
طلمس وعبدالله ومطلق وجبرين=وشجعان وسليمان سقم المعادي
وناصر وابومحسن صعوط المجانيين=ذباحة الحايل طوال الايادي
عقايله على المهمات ساطين=يوم العزاوي والزحم والطرادي
واليوم للحكم السعودي موالين=يالله من النكبات تحفظ بلادي
وافين في الماضي وذلحين وافين=صغيرهم من فعل ابوه استفادي
والمدح مايصلح بليا براهين=ولاله طعم لاصار في شخص عادي
مايصلح الا للرجال الميامين=واليا مدحت ذعار ماني بغادي
والله موفيه حقه دواوين=مير اجتهد والعذر بعد اجتهادي
اقول رمز من رموز السلاطين=يشهد بها اهل الحق حضر وبوادي
يضحك حجاجه كل ماشاف لافين=وتسبق تراحيبه ندايا المنادي
وان قيل حاتم كريم الكريمين=ذعار اله ند ولدي منادي
وذعار عن حاتم تميز بثنتين=هذا الكلام المنطقي والوكادي
الاوله مسلم غيور على الدين=والثانيه يعطي الجيوب الجدادي

تعليقات 2 | إهداء 0 | زيارات 126



خدمات المحتوى


التعليقات
#4 Saudi Arabia [صالح العصيمي]
1.03/5 (11 صوت)

08-11-2008 09:13 PM
صح لسان ليزر الهيلا ..

والشيخ ذعار يستاهل كل الطيب..

[صالح العصيمي]

#6 Saudi Arabia [آل رداد]
1.07/5 (11 صوت)

08-21-2008 03:57 PM
صح لسان الشاعر

قصيده جزلة

والشيوخ العقايلة يستاهلون المدح

تاريخ مشرف كله فخر للقبيلة قاطبه

وشيخ شمل القبيلة ذعار العقيلي .. يستاهل المدح

[آل رداد]

الشاعر ضاوي العصيمي
تقييم
10.00/10 (4 صوت)


Powered by Dimofinf cms Version 3.0.0
Copyright© Dimensions Of Information Inc.

جميع الحقوق محفوظة لموقع ومنتديات قبيلة العصمة الشاملة