موقع ومنتديات قبيلة العصمة الشاملة YOU COULD PUT BANNER/TEXT/HTML HERE, OR JUST REMOVE ME, I AM IN header.htm TEMPLATE

جديد المقالات
جديد الجوال
جديد الفيديو




المتواجدون الآن


تغذيات RSS

برق يويق وياخذ شوي ويويق
08-10-2008 06:19 PM

لاقـام خفـاقـي يـتـل المعالـيـق=شاش وسبايـب شوشتـه واندهاشـه 
برقٍ يويـق وياخـذ شـوي ويويـق=من فوق خط الارض يقبـس فلاشـه
وقمت اتشهل فـي علـو الشواهيـق=واخيـل بـراق الحيـا وارتهـاشـه
مشتـاق لـه ومعلـقٍ عنـه تعليـق=وشيءٍ يهاش وشي مقـوى هواشـه
الحـر عـن شفـه تعوقـه مسابيـق=ويقيـد الرجـال مصـدر معـاشـه
وعودت مكتضٍ ضميري من الضيـق=اصغي عـن النشـاد ماقبـل نقاشـه
للمجلـس اللـي مدهـلٍ للمطالـبـق=مارمـدت نـاره وخيـم غطـاشـه
شبوبهـا سمـر رقـابـه مدانـيـق=هبط بـه الجـلاب والحـظ حاشـه
وفي جالها صبح سـوات الغرانيـق=دنـق الخشـوم وسوطهنـه نشاشـه
مالقموها مـن رخيـص المساحيـق=الا يمانـيـا تـجــدع خـيـاشـه
فنجالها ينشط بـه البـال وان سيـق=فنجالهـا الثانـي يـزيـد انتعـاشـه
شقرا شذاها مثل عطـر العشاشيـق=لامنهـم شالـوا غطـاوي غراشـه
يازيـن شفتهـا علـى فكـة الريـق=يوم الزلابـه منطـوي فـي فراشـه
شفي ولا ادري عن شفوف المخاليـق=وكل علـى شفـه ومشهـاة جاشـه
لاخطيت من ممشى الرياض المواريق=اللـي زهرهـا تـو حـوّم فراشـه
عـودت لدلالـي وحمـر الاباريـق=وجا للنوادر فـي سمـاي اغتواشـه
وبنيت قافن مـن جديـد الطواريـق=انقـا خيـاره واتخطـرى قشـاشـه
لعلـه يفـرق طــواري تفـريـق=وهم بنـاء بيـن المحانـي عشاشـه
والعبد مالـه عـن نصيبـه مداريـق=يرضيه سيـل الحـظ والا رشاشـه
ولهل الوفاء قلطات والهـم مفاهيـق=وكل من هـدف علـى شـي ناشـه
اهم شي ابعـد عـن اهـل التلافيـق=وزفر اللسان اللي عظامـه هشاشـه
اللي تزمـر لـه حلـوق المطافيـق=غادي وحطـوه الدراويـش شاشـه
والثاني اللي يحـرق البـن تحريـق=لكـن فيـه مـن الدلاشـه دلاشــه
شين النباء لو يذبـح الحيـل ويريـق=السمن فوق السمـن ماصـار باشـه
اله علـي ان غـاب اصـد التفافيـق=اللـي لياقـفـى يـبـون انتهـاشـه
لوكان مارغب فـي مجيـه ولاطيـق=زاده وفي وجهه غضـب وانكماشـه
ترى الكرم يحتاج بعـض الملاحيـق=والضيف ماينصـاك لجـل الاعاشـه
يبـي قبـول زيـن مافيـه تبـريـق=ليـن جنابـك والتملـمـل تحـاشـه
والطيب وهبـه والمراجـل توافيـق=واخير خصله في الكريـم البشاشـه

تعليقات 0 | إهداء 0 | زيارات 82



خدمات المحتوى


الشاعر ضاوي العصيمي
تقييم
1.79/10 (6 صوت)


Powered by Dimofinf cms Version 3.0.0
Copyright© Dimensions Of Information Inc.

جميع الحقوق محفوظة لموقع ومنتديات قبيلة العصمة الشاملة