موقع ومنتديات قبيلة العصمة الشاملة YOU COULD PUT BANNER/TEXT/HTML HERE, OR JUST REMOVE ME, I AM IN header.htm TEMPLATE

جديد المقالات
جديد الجوال
جديد الفيديو




المتواجدون الآن


تغذيات RSS

08-10-2008 06:11 PM

عداد همال المـزون وعـد مـا هبـت هبـوب=يـا مرحبـا ترحيـبً تبطـي تناقلهـا  العـرب 
باللي لفونا من شمال وغرب واللي من جنـوب=في حلةٍ من زارها يقلـط علـى هيـل وشبـب
يقولها حمدان بن عوده وانـا بالشعـر انـوب=من دون بن عمي وهو دوني ليـا جالـه طلـب
لا والله الا دوب زان القـاف يـا عـراف دوب=صبولي من البن واصـب المعانـي مـن ذهـب
السوق غالي والفروق تبين في عرض الجلـوب=واللي يطب السوق يعرف مستـواه بمـا جلـب
وانا اتعامل بالذهب واللي سواتـي مـا يحـوب=خص ليا شفت الشيوخ اهل المناصـب والرتـب
ماني بشاعر كان ماسطر مـن الامثـال عـوب=واشغل عقول الناس مير اما رضى ولا غصـب
وانا ادري ان القول لا قلتـه مقـدر ومحسـوب=ومن لا يقدر كلمتي ماهوب بخـص فـي الادب
حيثني اخاطب عقول النـاس بالقـول العجـوب=واتعب على المكنوز والمكنوز يبـي لـه تعـب
كم واحد يبـي الجمالـه لكـن الفكـر معطـوب=تسري به احلامه وياكل في الطريق مية مطـب
وانا اتجمل بالجميل اللـي سليـم مـن العيـوب=واجمل الماقـف ومـن لا جملـه فعلـه رسـب
واليا مدحت امدح كريم الكـف نطـاح النبـوب=ما سوق مدحي في الدويني راعي الكف العضب
ومدح بلا برهان كومة ثلـج لـو تكبـر تـذوب=تمرها شمس النهـار وتنتهـي بهـون سبـب
لن كان ما يدعم بفعل يلجـم السـان السبـوب=ولا يجـر النقـد للمعنـي ومـن قـال وكتـب
والثانية يا هيه يـا حذافتـي مـن كـل صـوب=يا مروجين الحكي ويـن اثباتكـم يـال العجـب
انا حضرت برغبتي مانـي بمجبـر ومغصـوب=اقـوم بالواجـب ومـن قصـر تغشـاه العتـب
وامشي الدروب البينه ماتوع مع بعض الـدروب=وامدح هل الطالات واهل المجد والسيف الحـدب
العزوه اللي لاحتمى الماقـف يجـرون الهيـوب=مخلين سرج الخيل من عدوانهـم يـوم النشـب
على الجياد الصافنات اللـي يخضـن الحـروب=في ساعةٍ تنشف بها الاريـاق ويشـد العصـب
عقايلـه يـوم المغـازي والمداحـم بالجنـوب=ما جا نحاهم مـا كسـب لا والله الا مـا كسـب
مخضبت حدب السيوف ان شبت الهيجا شبـوب=نطل الجماجم من سواعدهم مثل نطـل الخشـب
وموردة لظيـا اليـا ضميـت معاليـق القلـوب=من صابته لن ما قضى حتفـه يطاولـه العطـب
عدوهـم يمسـي بعـد عـزه ذليـل ومغلـوب=وصديقهم يلبس ثياب العـز وبشـوت القصـب
شيوخ في الماضي وفي الحاضر وفي كل الوجوب=يقولها اللي مـا هضـم للغيـر حـق ولا كـذب
ذعار لو لبسته من المـدح ثـوب فـوق ثـوب=يستاهل التمجيـد مـن يبنـي رفيعـات القبـب
شهم شجاع جود كفـه مثـل همـال النصـوب=حكيـم راي رايـه اليـا عـدة الاريـاء غلـب
وخالد ولد عمه عضيده راعي الراي الصيـوب=ابو محمـد لا نفـذ كمـه يطيـع الـه الصعـب
سلايل سليمـان قـوم مـا يهابـون الخطـوب=فيهم يطيع المدح يوم لغيرهـم يغصـب غصـب
وآلاد عاصـم كلهـم ظفـران والحاقـد كـذوب=ما بيننا مـن يتـرك الواجـب الا منـه وجـب
ولا نفترق لو تفتـرق كـل القبائـل والشعـوب=في حـزة الميقـاف تجمعنـا الحميـا والنسـب
وحنا جنود بلادنا لن وصلـت لنفـخ الـذروب=في شور ابو متعب نضد الخصـم لامنـه قـرب
ارجالها وحماتهـا لـن شبهـت عـذرا كعـوب=وان شبهت بالعين حنـا دونهـا جفـن وهـدب
وختامهـا عـداد مـا بانـت ومالـت للغـروب=يـا مرحبـا ترحيبـةٍ تبطـي تناقلهـا العـرب

تعليقات 0 | إهداء 0 | زيارات 54



خدمات المحتوى


الشاعر ضاوي العصيمي
تقييم
0.00/10 (0 صوت)


Powered by Dimofinf cms Version 3.0.0
Copyright© Dimensions Of Information Inc.

جميع الحقوق محفوظة لموقع ومنتديات قبيلة العصمة الشاملة