موقع ومنتديات قبيلة العصمة الشاملة YOU COULD PUT BANNER/TEXT/HTML HERE, OR JUST REMOVE ME, I AM IN header.htm TEMPLATE

جديد المقالات
جديد الجوال
جديد الفيديو




المتواجدون الآن


تغذيات RSS

08-10-2008 05:58 PM

يشوش الشعر ويروم الكمال ويبلغ المنشـود=ليا منـي كتبتـه فـي بـلاد العـز والهيبـه 
يجي مثل الشجاع اللي دعاه الماقف المشهود=ويرقى المجد لين يويق في عالـي مراقيبـه
مداهيل الرسول اللي حماها الواحـد المعبـود=من النكبات والويـلات والشـر ومشاهيبـه
بلاد البيت والمسجد وسادات العـرب والجـود=وبيضان الوجيـه وقبلـة الشعـر ومعازيبـه
معازيبه هل العوجا عيال معـزي ال سعـود=يشوم الهم شمام وفـي مجالسهـم مطاليبـه
يسلّـم ويتكلـم والمـراد وغايـة المقصـو=دمعايدهم وتجديد الـولا مـن ربعـي عتيبـه
يقول اقدامنا ماتمشـي الا مـع دروب جـدود=وعهـد جدودنـا لمعـزي نعيـده ونوفيبـه
مثل وقفاتهم يـوم أن ذا حـاوي وذا مـردود=نقف ونحارب الارهـاب وافكـاره واساليبـه
تضامنا مع الدوله على وضح النقا المجـرود=وحنا اهل الوفاء لاغـرت الخايـن هناديبـه
وحنا لاقبس زند الحريب وحـك عـودٍ عـود=لنا الفعل الكبير اللي ينومـس مـن يماريبـه
وطنـا ياوطنـا لـك غـلا بقلوبنـا موجـود=نشيله فى القلـوب وصـادق السنّـا تغنيبـه
حماك الله من العابث ومن غيب الليالى السود=وحمانا الله من الارهـاب واصـواتٍ تناديبـه
وعسى اللي زاغ عقله للطريق المستقيم يعود=وحنـا اللـي يعـوّد مـن متاهاتـه نهليبـه
نحيي رجعته والباب دون اللي مضى مسـدود=ونطوي صفحة الماضـي وننسـاه بعذاريبـه
الا يابن الوطن تكفا عـدوك لايقـودك قـود=ترى الرجال يبرح درب رجله قبـل يمشيبـه
دخيلك لاتطيع اريا العميـل الحاقـد النمـرود=يدفك زهبة ٍ فـي حلـق مدفاعـه ويرميبـه
عدوٍله مآرب واله غايه وانـت مالـك فـود=دفع بك للمهالك ثـم لقالـه عنـك تجنيبـه
عصابـاتٍ تغذيهـا العـدا بالمـال والبـارود=وتلقى من شباب امة محمـد مـن تضحيبـه
تغرر بالشباب ومن وقع فى المصيده مصيـود=ولايبكي على المفقود غير اهلـه واصاحيبـه
تمهل وانتبه مانت ب على الدرب العوج محدود=ترى بعض الروابع غاديـه والرجـل تدويبـه
لو تميز دريت انك من ارباب الفتن مضهـود=تعيش بخوف واليا مت حكـم الـرب تدريبـه
ومن يجني على نفسه وقومه بالشقا موعـود=مثل قول الحكيم مصيبةٍ فـي ساقـة مصيبـه
تراجع لاتمادى دام لك حبـل العفـو ممـدود=ولاتتبع هوى الغادين واهل الشـك والريبـه
ولن واصلت في عمياك همك كل يـوم يـزود=طريق التيـه ليـلٍ سرمـديٍ عـاويٍ ذيبـه
وحنا فى الشدايد والقسـا دون البـلاد نـذود=ولن بان الهـدف لعيوننـا نرميـه ونصيبـه
نعيش الامن فيها والرخا والها نعيـش جنـود=عيـونٍ ساهـره والمعتـدي يبشربتاديـبـه
وتبقى راية التوحيد مرفوعه على أعلى طـود=شعارٍ للسلام اللي كريـم الوجـه موصيبـه
عسى غر السحاب اللي تسوقه رايحات النـود=بتدبير العزيز مـن المناشـي جـات تدنيبـه
ليامنه تغشى المملكـه مـاه انتثـر بركـو=دعلى حزم ودماث وكل واديٍ جاك باللـي بـه
على دارٍ عليها شعبها بيـن الامـم محسـود=حفظها الله من انياب الزمان ومـن مخاليبـه

تعليقات 0 | إهداء 1 | زيارات 76



خدمات المحتوى


ضاوي العصيمي
تقييم
1.00/10 (1 صوت)


Powered by Dimofinf cms Version 3.0.0
Copyright© Dimensions Of Information Inc.

جميع الحقوق محفوظة لموقع ومنتديات قبيلة العصمة الشاملة