موقع ومنتديات قبيلة العصمة الشاملة YOU COULD PUT BANNER/TEXT/HTML HERE, OR JUST REMOVE ME, I AM IN header.htm TEMPLATE

جديد المقالات
جديد الجوال
جديد الفيديو




المتواجدون الآن


تغذيات RSS

07-24-2008 03:08 AM

هـات القلـم ياللـي تجيد القـرايـه=واكتب على الصفحه بيانن بتفصيـل 
للي حذف لـه هرجتـن فـي قفايـه=والهرج له سامـع وراوي وتسجيـل
وللـي يبا رايـي تبـيـع ٍ لـرايـه=يقـول برنامجـك يحتـاج تعـديـل
قلـه تـرى مانيـب شاعر دعـايـه=ولاخذ على نظم القوافـي محاصيـل
مالـي بتـرويـج القصايد هـوايـه=ولالي هدف في كثرة القول والقيـل
الا ليـازادت عـلـوم خصمـايـه=وكثرت بصندوق البريـد المراسيـل
والحذف من دونـي وشـيٍ ورايـه=وغنتبهـا فـوق الجريـد البلابيـل
رفعت لي من بيـن الاعـلام رايـه=وللبيت عمدانـه وللحـرف تحليـل
وضربت مابيـن العيـون بعصايـه=لابان غيض هل القلـوب المغاليـل
وليا ركـب فـوق المحالـه رشايـه=يبـا يدلـن الجـمـال الجـواديـل
والمجتمـع يحكـم علـى مستوايـه=لا جاء المجـال وميـزوه الريجيـل
وفالناس شاياتـن وانـا فـي شايـه=مانيب عن واجب هل الواجب بخيـل
اقـوم بالواجـب بمعنـى العنـايـه=واعرف مقام البدر والجدي وسهيـل
واعرض عن المعرض وراع الوشايه=ولانيب اصد عن الوجيـه المقابيـل
ولا يشتكـي منـي رفيقـي خطايـه=وصديقي اصدق معه لو طول الطيل
مـدام واف ٍ لـي يحصـل وفـايـه=رفقة شـرف مـا يعتريهـا عراقيـل
وقومي هل المعروف واهل الرعايه=للواجبـات اللـي عليهـن دواليـل
عتبـان يزبنهـم كبـيـر الجنـايـه=لا مالقـى عنـد القبايـل مداخـيـل
يـوم الحرايـب يحكمـون الرمايـه=لا جاء المفاهم من خشـوم المفاتيـل
يـوم القبايـل عندهـم نجـد غايـه=والا امتـداده معتلـج قـرح الخيـل
وسنا الاسنه مثـل شمـس المرايـه=بهجـنٍ مشاويـحٍ وخيـلٍ مشاويـل
اخذوا على المثنـاه صـك الولايـه=من محكمة حدب السيوف المصاقيـل
وصارو لها عن كل طامـع حمايـه=ومن دونها شربوا رهيـب الفناجيـل
شرقـي منازلهـم بــلاد الفـوايـه=وغربي منازلهم بلـد محبـس الفيـل
وفيهم الى شـان الزمـان ارتكايـة=وقت القسا مثل الجمـال المحاميـل
اليا صار في بعض الرجال التوايـه=تبينـوا لمـدور الـبـن والهـيـل
وحيل ٍ عليهن الشحـم تقـل صايـة=وكلامنا احلى من شـراب الشهاليـل
ويكفي عـن الشـرح الكثيرالروايـة=مصـادر التاريـخ فيهـا التفاصيـل
ومدام هـم قومـي وسـاس انتمايـه=وعضدي الى صكت علي المحابيـل
وشلون اجنّب عن طريق اعضدايـه=والـدرب مرفوعـه عليـه القناديـل
ومن لا اهتدى بآثـار الأقـلام تايـه=اللي تقـص اخبـار جيـل بعدجيـل
للمهتـدي يابـيـن درب الهـدايـة=والمنحرف لو كان يعطـى درابيـل
يمشي علـى عميـاه حتـى النهايـة=والى انتهى دارت عليـه المحاحيـل
عميـت ماخصيـت راع الحكـايـة=وان عاد علمناه مـن سـاري الليـل

تعليقات 0 | إهداء 0 | زيارات 208



خدمات المحتوى


تقييم
10.00/10 (3 صوت)


Powered by Dimofinf cms Version 3.0.0
Copyright© Dimensions Of Information Inc.

جميع الحقوق محفوظة لموقع ومنتديات قبيلة العصمة الشاملة