موقع ومنتديات قبيلة العصمة الشاملة YOU COULD PUT BANNER/TEXT/HTML HERE, OR JUST REMOVE ME, I AM IN header.htm TEMPLATE

جديد المقالات
جديد الجوال
جديد الفيديو




المتواجدون الآن


تغذيات RSS

المقالات
مكتبة الشعر
ديوان الشاعر كديميس العصيمي
مرثية في الشيخ سلطان بن جهجاه بن حميد رحمه الله

مرثية في الشيخ سلطان بن جهجاه بن حميد رحمه الله
07-23-2008 10:48 PM

الوقـت يمضـي بيـن يـومٍ وليلـه=والأجل مكتوبٍ على صفحـة كتـاب
واليا انتهى المكتـوب مافيـه حيلـه=مهمـا يقولـون الاطبـاء فالاطبـاب
مرحـوم يامـن لارضينـا رحيـلـه=لكن لا جف القلـم جـات الاسبـاب
رحـل عـن الدنيـا زعيـم القبيلـه=وترك فراغٍ مـن يسـده بعـد غـاب
شيـخٍ تبـا تتعـب دروبـه بديـلـه=لا كثرت الابـواب بـابٍ ورا بـاب
حملـه قليـل اللـي يبـا يرتكيـلـه=يبـا يعجـز لـه شبـابٍ وشـيـاب
ما كـل مـن يبـرك لحمـلٍ يشيلـه=ولا كل من شال التفق للهدف صـاب
رجـال صعبـات المواقـف قليلـه=لكنهم يرجـع لهـم حـل الانشـاب
سلطان ابن جهجـاه رمـز الفضيلـه=نزه الجنـاب مسكـتٍ كـل مغتـاب
نعم الامير ونعـم مـن ينتمـي لـه=ابناه وابنـا العـم واحفـاد واقـراب
ذوي حمـد لاشتـب راس الفتيـلـه= مهوب عن حـوض المنايـا بهيـاب
يوم العـرب مابيـن عيلـه وميلـه=ومابيـن نهـابٍ ومابيـن غصـاب
لامـن كـلٍ قـام صاعـه يكيـلـه=ولا عاد عن وجه المعاديـن مجنـاب
وتناوشـو سـرد المهـار الاصيلـه=وتواعدوا فالمعركه قطـع الارقـاب
تعـرف مواقفهـم خـلاف الذبيـلـه=لاجت من بيـن القبيلـه والاجنـاب
تطلـع مواقفهـم كـبـار وجليـلـه=تشهد بها الاجناب من قبل الاصحـاب
ولهـم قبيلـه فالمـعـارك ثقيـلـه=يفرح بها المضيوم في حـزم كـلاب
عتبان اهل سمـر البيـوت الضليلـه=يامن بهم المطلوب من كـل طـلاب
اهل الكرم واهـل السلـوم الجميلـه=قومٍ لهـا صطـوه وهيبـه وتنهـاب
نعـم القبيلـه فـالامـور المهيـلـه=ونعم الزعامه لا غشا الزمل ضبضاب

تعليقات 0 | إهداء 0 | زيارات 125



خدمات المحتوى


تقييم
8.50/10 (2 صوت)


Powered by Dimofinf cms Version 3.0.0
Copyright© Dimensions Of Information Inc.

جميع الحقوق محفوظة لموقع ومنتديات قبيلة العصمة الشاملة